Viazi Vyekundu

Vipimo

Viazi /mbatata                                                       10 kiasi

Kitunguu maji kilichosagwa                                     1

Thomu iliyosagwa                                                  1 kijiko cha supu

Pilipili iliyosagwa                                                     1 kijiko cha chai

Rai (mustard seeds)                                               1 kijiko cha supu

Majani ya mchuzi (curry leaves)                             7 majani

Uwatu uliosagwa (methi)                                       1 kijiko cha chai

Nyanya kopo                                                         5 vijiko vya supu

Ndimu                                                                    3 vijiko vya supu

Mafuta                                                                   ¼ kikombe

Namna Ya Kutayarisha Na Kupika

1. Chemsha viazi kiasi viwive lakini  visivurugike
2. Menya, katakata vipande weka kando.
3. Tia mafuta katika sufuria, yakishika moto tia rai, zikaange kwa muda wa dakika moja hadi zigeuke rangi kidogo.
4. Tia majani ya mchuzi, uwatu, thomu, kitunguu maji, pilipili  kaanga kidogo tena.
5. Tia nyanya kopo endelea kukaanga kidogo kisha tia chumvi, ndimu na maji kiasi kidogo ili kufanya rojo kiasi.
6. Mimina viazi, changanya, pakua katika sahani.

Pizza Ya Samaki

Vipimo

Tuna steki wa kopo (oiled)                                        180 – 185 g 

Tomato ya kopo(paste)                                            3 Vijiko vya supu

Kitunguu maji                                                           1

Chumvi                                                                    1 kijiko cha chai

Unga wa ngano                                                        4 vikombe

Mafuta ya zaituni                                                      Nusu kikombe

Hamira                                                                    1 kijiko cha chai

Cheese ya Pizza                                                        100 g

Namna Ya Kutayarisha Na Kupika

1. Katika bakuli kubwa tia unga, hamira,mafuta na chumvi.Kisha mimina maji kidogo kidogo hadi mchanganyiko uwe donge la kunata kiasi tu. 
2. Funika na uwache unga kwa muda wa nusu saa kisha ukande tena kiasi ukijipaka mafuta mikononi, ufinike kwa muda wa  masaa manne hadi sita.
3. Ukishaumuka kufura itakuwa tayari kwa kuandalia vitu vya kuweka juu.
4. Mimina tuna kwenye sahani huku ukichambua kuzidisha vijipande pande.
5. Katakata kitunguu slesi nyembamba kando, tomato (paste) ndani ya kijibakuli tia maji vijiko 2 vya supu kisha koroga ili iwe kidogo nyepesi.
6. Pake siagi au mafuta kiasi katika treya utakayochomea.
7. Chukuwa unga ulioumuka ukande ufanye donge moja  na limwagie unga mkavu.
8. Litandaze donge kwenye treya mpaka upate chapati kubwa kwa mikono bila kutumia kifimbo.
9. Mwagia tomato (paste) kwenye pizza utandaze ,kisha  tuna halafu tupia vitunguu na utamalizia na  cheese.  
10. Choma  kwenye oveni kwa moto wa 200°C  kwa muda wa dakika  25. Kisha unaweza kukata (shape) upendayo na itakuwa tayari kuliwa.

Kidokezo:

 Ukipenda  pilipili za kuwasha unaweza kuongezea na pia unaweza kutumia brokoli badala ya tuna.Ni vizuri kuliwa ikiwa moto moto.  

Biskuti Za Kuchoveya Chokoleti

 

 

 

Vipimo:

Unga                                                            300gm

Siagi                                                            225gm

Icing Sugar                                                  60gm

Chokoleti iliyokoza (Dark Chocolate)             225gm

Vanilla                                                          2 kijiko cha chai

Yai                                                               1  

Baking Powder                                              ½  kijiko cha chai

Njugu za vipande                                           ½  kikombe cha chai

Njugu zilizosagwa                                        ¼  kikombe cha chai

Namna Ya Kutayarisha Na Kupika

 

1.       Piga sukari na siagi katika mashine ya keki mpaka iwe laini

2.       Kisha mimina yai na vanilla koroga vizuri

3.       Mwisho mimina unga na baking powder polepole mpaka ichanganyike.

4.       Kata kata umbo (shape) lolote unavyopenda (kama nyota, pembetatu,duara, kopa n.k)

5.       Panga kwenye treya na choma kwa moto wa 350°C , vikibadilika rangi kidogo tu vitoe

6.       Yayusha chokoleti  tia kwenye bakuli ndogo.

7.       kisha paka kwa kijiko au chovyea upande  mmoja mmoja wa biskuti kisha nyunyizia njugu za kipande na njugu ya unga.

8.       Panga kwenye sahani tiyari kunywewa na chai ya maziwa au kahawa.

 Kidokezo:

Njugu aina yoyote upendazo, njugu za kawaida, au jozi (walnut), lozi (almond)  au pistachio.

Visheti

Vipimo

Unga                                                   2 Vikombe

Samli au shortening ya mboga              2 Vijiko vya supu

Maziwa                                               ¾ Kikombe

Iliki                                                      Kiasi

Mafuta ya kukarangia                          Kiasi

Shira

Sukari                                 1 Kikombe

Maji                                    ¾ Kikombe

Vanila                                 ½ Kijiko cha chai

Zafarani (ukipenda)             Kiasi

Namna Ya Kutayarisha Na Kupika

1. Katika kisufuria pasha moto maziwa na wakati huo huo chemsha Samli katika kisufuria kengine.
2. Tia unga katika bakuli na iliki, kisha mimina samli iliyochemka na huku unachanganya, kisha tia maziwa na uwendele kuchanganya vizuri isiwe na madonge, ikiwa maziwa haitoshi ongeza maji kidogo.
3. Kisha uwache unga ukae mahali pa joto kwa muda wa dakika 10 hivi.
4. Halafu fanya viduara vidogo vidogo, kisha finyiza kwenye greta yenye vishimo vidogo ili upate umbo kama kwenye picha.
5. Kisha karanga kwenye mafuta yaliyopata moto hadi vibadilike rangi ya dhahabu, kisha viepue vichuje mafuta.
6. Chemsha shira, ikiwa tayari mimina visheti na upepete na kuzichanganya zipate shira kote.
7. Weka kwenye sahani na zitakuwa tayari kwa kuliwa na kahawa.

Labania Za Maziwa

*Vipimo

Maziwa ya unga                 2 vikombe

Sukari                               3 vikombe

Maji                                  3 vikombe

Unga wa ngano                  ½ kikombe

Mafuta                             ½ kikombe

Iliki                                   kiasi

Namna Ya Kutayarisha Na Kupika

1. Paka sinia mafuta kabla ya kupika labania
   Katika sufuria chemsha maji na sukari pamoja na iliki mpaka inate vizuri 
2. Kisha mimina  mafuta koroga 
3. Halafu mimina unga wa ngano na ukoroge haraka haraka 
4. Kisha tia unga wa maziwa, endelea kukoroga usiwe na madonge mpaka uwe rangi ya  browni isiokoleza. 
5. Kisha mimina  mchanganyiko kweye sinia uliyoipaka mafuta, iwache ipoe  na kata kata upendavo na itakuwa tayari.

* Katika vipimo ni vizuri utumie kikombe cha kupimia (measuring cup)

Kamba Katika Sosi Ya Nazi

Vipimo

Kamba                                                           1 au 2 Pakiti

Chumvi                                                           Kiasi

Mafuta                                                           ¼ Kikombe

Bizari ya pilau (cummin) nzima                       ½ Kijiko cha chai

Vitungu                                                          2 Vikubwa

Nyanya zilioiiva                                              3

Nazi ya kopo au ya unga                                 2 Vijiko vya  supu

Siki au ndimu                                                 2 Vijiko vya supu

Pilipili  mbichi  iliyosagwa                                2 Vijiko vya chai

Vitungu vya kijani ( spring onions)                  3 Miche

  

Namna Ya Kutayarisha Na Kupika

   

1.     Osha kamba kwa maji ya baridi katika chungio, kisha weka  chumvi kiasi na iweke kwa firiji.

2.     Katika karai, weka mafuta yapate moto, tia bizari ya pilau lakini usiache ikaunguwa.

3.     Kisha tia vitungu na ukaange hadi zibadilike rangi ya hudhurungi lakini zisiungue.

4.     Halafu tia nyanya, tui la nazi , siki, pilipili na chumvi na iache motoni hadi nyanya zivurujike.

5.     Ongezea vitunguu vya kijani na ukoroge.

6.     Kisha tia kamba na uzipike hadi zibadilike rangi na kuiiva.

7.     Pakuwa na itakuwa tayari kwa kuliwa na wali au na mkate upendayo.

Mchuzi Wa Kamba

vipimo

Viazi (mbatata)                                                    2

Kamba                                                                 1 Lb 

              

Vitunguu                                                               2

Nyanya                                                                 2

Pilipili hoho (green pepper)                                     1

Thomu                                                                  1 kijiko cha chai

Tangawizi                                                             1 kijiko cha chai

Uzile (bizari ya pilau ya unga-Jiyra)                       ½ kijiko cha chai

Pilipili manga                                                        ½ kijiko cha chai

Pilipili ya unga                                                      ½ kijiko cha chai

Nyanya ya kopo                                                   ½ kijiko cha chai

Chumvi                                                                  kiasi

Namna Ya Kutayarisha

1)       Changanya kamba na  thomu, tangawizi, pilipili manga, pilipili ya unga, jira na chumvi.

2)      Katakata vitunguu weka pembeni.

3)      Katakata pilipili hoho weka pembeni.

4)      Katakata Nyanya weka pembeni.

5)      Menya viazi na uvikate vidogo vidogo.

Namna Ya Kupika

1)       Kaanga kamba mpaka wabadilike rangi, watie kwenye bakuli.

2)       Kaanga viazi mpaka viwive na vibadilike rangi, vitoe, mimina kwenye bakuli.

3)       Kaanga pilipili hoho viwive na vibadilike rangi, vitoe.

4)       Kaanga vitunguu mpaka vibadilike rangi, mimina nyaya kaanga pamoja, kisha tia nyanya ya kopo na chumvi.

5)       Endelea kukoroga.

6)       Mimina maji kama robo kikombe, ukishawiva vizuri, mimina katika bakuli la mchanganyiko na ukoroge kidogo ili vichanganyike tayari kwa kuliwa.

Biriani Ya Tuna

 

VIPIMO

Mchele Basmati                                                                         Mugs 2 ½

Vitunguu (Vikubwa kiasi)                                                         3

Tuna                                                                                          Vibati 3

Carrot                                                                                         2 kubwa

Tomatoe paste                                                                          1 kikop

Thomu                                                                                        2 Vijiko vya supu

Tangawizi                                                                                   2 Vijiko vya supu

Uzile  (Bizari ya pilau ya unga) (cummin powder )

(Jeera)                                                                                      ½ Kijiko cha supu

Mdalasini                                                                                   ½ Kijiko Cha supu

NAMNA YA KUTAYARISHA NA KUPIKA

1.       Tuna carrots (grate) ziwe kama chicha  weka kando.

2.       Kaanga vitunguu 2 mpaka viwe brown weka pembeni.

3.       Kaanga Kitunguu cha 3 halafu changanya na tangawizi, thomu, na tuna huku unakoroga.

4.      Changanya na tomatoe, uzile (cummin powder) na mdalasini, koroga vizuri (hakikisha umeweka mtoto mdogo mdogo kwani ni rahisi kuungua) 

5.       Ikiwiva  epua weka pembeni.

6.       Chemsha wali wako kwa maji mengi na uuchuje kabla haujawiva vizuri na uugawe sehemu 4.

7.       Chukua trey au sufuria ambayo itaweza kuingia vitu vyote uilivyoandaa, tandaza fungu la kwanza  la wali halafu utandaze carrot juu yake.

8.       Tandaza fungu la pili la wali halafu utandaze vitunguu juu yake.

9.        Tandaza fungu la tatu la wali halafu utandze  tuna (masalo) juu yake.

10.     Mwisho tandaza fungu la nne la wali,  ufunike vizuri na upike kwenye overn (bake)  350 Deg C kwa muda wa dakika 20

Sambusa Za Nyama

VIPIMO

Manda ya sambusa ya tayari                              Kiasi zinavyouzwa

(Kiasi ya sambusa 40-50)

Mafuta ya kukaangia                                           Kiasi

Nyama ya Kusaga                                               3LB (Pounds)

Thomu na tangawizi iliyosagwa                         2 Vijiko vha chai

Pilipili mbichi iliyosagwa                                    1 Kijiko cha chai

Pilipili manga                                                      1 kijiko cha supu

Garam masala                                                     1 kijiko cha supu

Chumvi                                                                 Kiasi

Vitunguu maji vilivyokatwa

(chopped)                                                           3 Vidogo au 2  Vikubwa

Kotmiri iliyokatwa (chopped)                            Kiasi

NAMNA YA KUTAYARISHA NA KUPIKA

1.       Pika nyama ya kusagwa kwa kutia chumvi, thomu na tangawizi, pilipili na ndimu.  

2.       Kabla haija kauka tia Garam masala.

3.       Zima moto acha kidogo ipoe tia vitunguu na kotimiri.

4.        Funga sambusa katika manda kama kawaida.

5.       Pika sambusa katika mafuta ya moto hadi ziwe nyekundu na zikiwa tayari kuliwa.

hii hapa video jinsi ya kufunga
http://www.youtube.com/watch?v=kWjg3zdEx3w